Приказна која ќе ве разнежни: Со години штедел пари за да му купи електрична количка на својот најдобар пријател

Приказната за двајца американски тинејџери привлекоа национално и светско внимание поради несебичниот чин на вистинско пријателство. Имено, CNN пишува, Танер Вилсон со години штедел пари за да му помогне на својот пријател и да му купи електрична инвалидска количка.

Средношколец од Аркансас, Брендон Куалс веќе долго време користи модел на инвалидска количка која се придвижува рачно. Брендон со количката морал да слегува или качува по ходниците на училиштето поради што го болеле рацетe и се уморувал.

“Навистина чувствував голем замор во рацете”, рекол Брендон за Nes9.

Работел и штедел пари

Неговиот пријател Танер одлучил да го усреќи Брендон и две години штедел за да му купи нова количка. Работел со скратено работно време кај локалниот автомеханичар и заработените пари ги оставал на страна.

Минатиот месец заштедил доволно пари и на својот пријател му купил електрична инвалидска количка.

“Сонував за таква количка”

“Ја донесоа количката и започнав да плачам. Не можев да верувам дека направи нешто толку убаво за мене”, рекол Брендон. “Сонував за таква количка и сега мојот сон се оствари”, додава тој.Кога новинарите го запрашале Танер што го поттикна да направи толку убаво дело, тој одговорил:

“Тој секогаш беше навистина добар пријател и сакав да направам нешто убаво за него. Брендон секогаш беше тука за мене. Сите на училиште ме прашуваат: “Дали вредеше? Им реков дека да. 100 %””, рекол Танер.

Leave a comment

error: Content is protected !!