Овој крволочен ѕвер прв пат по 30 години се појавил во Средоземното море, во близина на популарното летувалиште

Огромна голема бела ајкула, подолга од пет метри била снимена кај брегот на Мајорка, што е прв пат во 30 години овој застрашувачки предатор да биде забележан во овие води.

Научниците ја снимиле кај населениот остров Кабрера, а експедицијата која трагала по ова величенствено морско животно била предводена од биологот Рикардо Сагарминга ван Буитен.

Научниците ја набљудувале и ја следеле во период од еден час. Ван Буитен нагласил дека ова е прв пат во 30 години да постои доказ за присуството на големата бела ајкула во овие води.

“Минатите години имавме бројни гласини и непотврдени тврдења, но ова е прва научна опсервација за присуство на големата бела ајкула во шпанските води. Во овој историски настан, десет научници од пет земји ја фотографираа, снимија и набљудуваа ајкулата”, рекол тој.

Во Медитеранот живеат 47 различни видови на ајкули, а меѓу нив и големата бела. Оваа ајкула е единствена што ќе нападне човек без провокација.

Минатата недела овој вид бил забележан и во британските води, а научниците снимиле и 4,5 метри долга морска лисица, исто така ајкула, како излегува во близина на Лајм Беј, покрај чамец полн со туристи.