Направете си домашен ѓеврек, повкусен и од фурна

Ѓеврекот е доста лесен за подготвка, затоа засукајте ги ракавите и направете вкусен и топол доручек.

Ѓевречето можеме да го пронајдеме во секоја пекара, а ретко кој од нас може да си го замисли доручекот без ова округло пециво.

За подготовка на домашен ѓеврек потребно ви е:

2,5 шолји брашно

1 лажичка сол

1 шолја топла вода

1 лажичка сув квасец

1 лажичка шеќер

2 лажички маслиново масло

1 лажичка вода

1 шолја сусам

Подготовка: Сите состојки за тестото ставете ги во сад и месете. Откако добро ќе го измесите тестото оставете го на топло околу еден час. Рерната загрејте ја на 200 степени. Поминете го тестото со сукало и исечете го на ленти. Секоја лента со рака изролајте ја во должина од 24 цм во облик на грисинка. Потоа смотајте ја во плетенка и формирајте округол облик на ѓеврек. Така спремните ѓевречиња ставете ги во сад за печење, премачкајте ги со вода и обилно истурете им сусам. Печете 20-25 минути додека не добијат златно жолта боја.