Најбогатото германско семејство признало дека ги поддржувало најголемите злосторници во историјата!

Семејството Рајман, едно од најбогатите германски фамилии, во текот на владеењето на националсоцијализмот ги поддржувало нацистите и користело принудна работна сила, објавил “Bild Am Sontag”.

По објавувањето на овие откритија, наследниците не кријат дека се засрамени и дека ќе подарат 10 милиони евра во добротворни цели.

Имено, “Bild Am Sontag” објавил дека документите до кои дошол откриваат дека таткото и синот Алберт Рејман Сениор и Алберт Рајнер Јуниор ги користеле руските цивили и француските воени заробеници како принудни работници.

Портпаролот на семејството, Питер Харф, кој е и на чело на холдинг компанијата “Рајман ЈАБ” потврдил дека наводите на Bild се точни, наведува “AP”.

Рекол дека семејството никогаш не зборувало за нацистичката ера, но дека доказите покажуваат дека таткото и синот, кои починале во 1954-та година, односно 1984-та година, заслужиле затвор.

Богатството на семејството во чија сопственост се некои од најпознати светски брендови како “Jacobs”, “Calgon”, “Wella” и други, се проценува на 33 милијарди евра.

Leave a comment

error: Content is protected !!