Ќе стигне ли “Сојуз” овој пат безбедно до Меѓународната станица?

Ракетата Сојуз денес успешно однела тројца астронаути во капсула кон Меѓународната станица во орбитата околу Земјата, соопштила руската вселенска агенција Роскосмос.

Капсулата би требало да пристигне на Меѓународната вселенска станица 6 часа по лансирањето. Во леталото лансирано од космодромот Бајконур во Казахстан се астронаутката од американската вселенска агенција НАСА, Ен Меклејн, Дејвид Сен-Жак од канадската вселенска агенција и Олег Кононјенко од руската вселенска агенција Роскосмос.

Полетувањето е извршено по план во 17.31 по локално време (13.31 по централно европско време). Тоа е прво лансирање на екипаж од неуспешното во октомври кога заради дефект на ракетата Сојуз автоматски се активирал системот за спасување со чија помош американскиот астронаут Ник Хејг и Русинот Алексеј Овсинин се вратиле на Земјата.

Потоа се лансирани четири Сојузи без екипаж како би се припремило ново патување на луѓето до Меѓународната вселенска станица.

Leave a comment

error: Content is protected !!