Фамилијата на Оливер неутешна- Пробавме се, но на крајот само заспа…

Легендарниот пејач Оливер Драгојевиќ почина денес во 5 часот во 71-та година од животот во КБЦ Сплит.

Фамилијата на прочуениот музичар е неутешна поради загубата. Позади себе, Оливер ја остави ожалостената сопруга Весна со која беше 44 години во брак, синот Дино (42) и близнаците Дамир и Давор (39).

Весна денеска не била способна да разговара. Кога и се јавиле новинарите, на нејзиниот телефон кренал синот Дино.

„Тешко е. Пробавме се. Професорот Врдољак кој го водеше лечењето на Оливер е најдобар во Европа, но болеста беше посилна. Им се заблагодаруваме на сите во болницата. Тие луѓе работат тешка работа“- изјави Дино Драгојевиќ.

Оливер во сплитската болница беше последните месец дена. Семејството постојано било со него.

„Стануваше се полошо и на крајот само заспа. Не беше во болки, ниту во агонија, ниту пак се мачеше“- додава синот на пејачот.

Погребот ќе биде во Вела бидејќи тоа било негова желба отсекогаш, а ќе има испраќање и во Сплит.