Алберт воопшто не е “слатко маче”, но има огромен број на фанови на Инстаграм

Доколку сте љубител на животни, тогаш сигурно на социјалните мрежи следите некои од попопуларните профили кои сопствениците им ги направиле на своите крзнени пријатели. Меѓутоа, една мачка привлекува посебно внимание. И тоа мачка за која никогаш не би рекле дека е “слатка”.

Кој би рекол дека една мачка на социјалните мрежи ќе ја следат дури 228.000 фанови.

Алберт е една лута, намуртена мачка која стекнала голема популарност ширум светот, како поради својот изглед, така и поради пораките кои нејзиниот сопственик ги остава на Инстаграм профилот.

А токму тие пораки, заедно со намуртеното лице на Алберт, овој профил го прават многу интересен.

Намуртената мачка пред неколку години била посвоена од Американците Мајк и Сузан Синглтон. Неговиот сегашен дом е нивната канцеларија.

Името го добил по Алберт Ајнштајн, бидејќи сопствениците ги потсетувал на славниот научник поради своето бушаво крзно.